ضيوف اعزاء على قلوبنا.. في كرسي الأعتراف؟؟

هههههههههههههههههههههههه

والله مش عارفه اقولكو ايه

بس ليه اخترتوني انا بالذات

وعموما انا تحت امركو وموجوده وهجاوب على اي سؤال


تحياتي
جــــــــي جــــــــــي

منور ه جى جى



والله الكرسى نور بيكى


يلا يا شطووووره


جاوبى


الا سم

العنوان


السن

الدراسه

الهوايه

احلامك

طموحاتك لبكره ايه


؟؟؟؟؟؟؟؟؟؟؟؟؟؟

ههههههه والله ياوائل مش عارفه اقول ايه ع المجاملات دي

بس بجد الكلام ده كتير عليه


اممممممم

الاسم : جهاد عصام الفيشاوي

العنوان : انا من المحموديه

السن : 18 سنه و8 شهور

الدراسه : انا في كلية علوم جامعة الاسكندريه فرع دمنهور

الهوايه : الرسم

احلامي : اوصل للعالميه ههههههههه

وطموحاتي لبكرا : ابقى عضو فمجلش الشعب وانشاء الله ابنلكو مستشفى وجامع ههههههههه

بجد والله انا نفسي اعمل مشروع كويس او اتفح معمل تحاليل طبيه وربنا يسهل

بس انا مصممه برضو اعرف ليه اخترتني انا بالذات ابقى الضيفه يا صفحه غريبه


تحياتي
جــــــــــي جــــــــي

ان شاء الله هتحققى اللى نفسك فيه


من وجهة نظرى اختارك

لانك الوحيده المستمره هنا بالمنتدى باستمرار واشتراكك بمواضيع ممتازه


وسؤالى


ايه رايك فى الحب من اول نظره؟؟؟؟؟؟؟؟؟؟؟

اهلا بيكى ع الكرسى يا جى جى

سؤالى بسيط وخفيف جداا

هل انتى ف قصة حب حاليا ؟؟

واذا كانت الاجابة (( نعم )) ما هو اول حرف من اسمة ؟؟

اقـــدم اعز تحيــــــــــــــــــاتى للجـــــميع

احمد الفيــــــــــــــــــــــشاوى

ابقى المره الجايه كبر الخط شويه

عشان مش شايفه السؤال

ههههههههههه

تحياتي
جـــــــــي جــــــــي

انا الفتره اللى فاتت ما كنت موجود فى المنتدى كان عندى ظروف


دخلت المنتدى لقيت مافى صفحه فى المنتدى غير ما يكون اسمك موجود فيه

وده مجهود رائع يا جى جى

فاقولت لازم انتى تكونى اول واحده على كرسى الاعتراف

انتى بتحبى تسمعى اغانى مين

تامر حسنى
تامر عاشور
عمرو دياب
جنات
سميه
هيثم شاكر
هانى شاكر؟


اخترى مغنى واحد فقط

ياجماعه اهدو شويه

ههههههههههههه

انا هجاوب لكل واحد لوحده

اولا هجاوب على وائل

انا بأمن جدا بالحب من اول نظره

مع انو مش دايما بيكمل للنهايه لكن بيحصل كتير

تحياتي
جــــــــي جــــــــي

هااااااي يا الدنيا صفحه غريبه

سؤالك ده صعب جدا

لان كل اللي انت كاتبهم انا بحبهم جدا وبسمعلهم

الا سميه

مش بسمعلها كتير

لكن طبعا تامر عاشور صوته حلو جدا واغانيه رووعه

وتامر حسني كمان

وعمرو دياب البوب

كلهم حلوين

بصراحه مش عارفه اختار

تحياتي
جـــــــي جــــــــي

بت يا جى جى

انتى نفضتى لسؤالى وعديتى !!!

ودا مينفعش فى كرسى الاعتراف

انتى نسيتى انك هنا عشان تجاوبى بصراحة

جاوب يا بت من غير هروب

تحيـــــــــــاتى
احمد الفيشاوى

هههههههههههه

اجاوب على ايه ياحماده

تحيااااااااااتي
جــــــــي جـــــــــي

الى جى جى القمر


السؤال ليكى حبيتى وانجرحتى ولا لسه ؟؟؟؟؟؟؟؟


تحياااااااااااااااااااااااااتى


بسبووووووووووووووووووسه

اه انجرحت

ياحبيبتي اغلب الناس بتنجرح من الحب الاول

بس خلاص نسيت

تحياتي
جــــــــي جــــــــي

الحمد لله انك نسيتى

دلوقتى بقى فى حب جديد ولا لأ ؟؟؟؟؟؟؟؟؟


تحيااااااااااااااااااااااااتى


بسبوووووووووووووووووسه

والله مقدرش اقول انو اه

انا حاسه ان في حاجه كده يعني

بس لسه مقدرش اقول عليها حب

تحياتي
جـــــــي جــــــــي

ماشى يا جى جى


انا عايزه اعرف قريب ولا غريب ؟؟؟


تحياااااااااااااااااااااااتى


بسبوووووووووووووووووووووسه

هو غريب





تحياتي
جــــــــي جـــــــي

جى جى انا جيت


قوليلى مين اعز صديق ليكى فى الكليه؟ اسمه؟ ومنين ؟




وبعدين الغريب ده فى الجامعه ولا قريبك ولا ايييييييه؟؟

هااااااااااي ياحووده

انا ليا اصدقاء كتير في الكليه

اعز صديق ليا

هم اتنين

محمد من كفر الدوار

ونوره من كفر الدوار برضو

تحياتي
جـــــــــي جــــــــــي

جى جى منوره كرسى الاعتراف


هل اعجبتى بشخص فى الكليه واتمنيتى ترتبطى بيه ؟؟؟؟؟؟؟؟؟؟


تحيااااااااااااااااااااااااتى


بسبوووووووووووووووووسه

والله مكدبش عليكي

في واحد عندنا في الكليه

اسمو عصام

هو في الفرقه التالته دلوقتي

انا معرفهوش ولا هو يعرفني

بس كل ما اقابل حد يشكر فيه

بيقولو انو محترم وشاطر وفيه كل الصفات اللي البنت تتمناها

لكن انا مش حاسه نحيتوا بأي حاجه

لاني بشوفه في الكليه بالصدفه مش اكتر

تحياتي
جـــــــي جــــــــي

عصام


اه


عمرك ارتبطى عاطفيا فى الامارات؟

اه ارتبطت مره

ومحصلش نصيب


تحياتي
جـــــــي جــــــي

ايه يا جماعه البت شكلها زهقت من الكرسى

هههههههههههههههههههههههههه



اختاروا حد تانى


عاوز نشاط

لا والله عمري ما ازهق منكو ابدا

انا تحت امرو لو في اي اسئله تانيه

تحياتي
جــــــــي جــــــــي

ماشى بس كدا


ايه اغرب شئ حصلك اول ما رجعتى مصر؟؟؟؟؟؟؟؟




بس عاوز الاعضاء تانيين يتفضلوا على الكرسى

ههههههههههههههههه

بتفركني ليه بس ياوائل

اصلا انا من ساعة ما جيت وانا بيحصلي حاجات ما يعلم بيها الا ربنا

المهم

اول موقف غريب حصلي اول ما نزلت من طيارة الامارات

في المطار هنا فمصر

لقيتهم فجأه بيقولو ان يوسف اخويه مش هيسمحولو يدخل المطار

واللي قدرت افهمو انهم قالو ان التاريخ اللي سافرنا فيه كنا 4

اشخاص ورجعنا 5 لان ماما جابت يوسف واحنا هناك يوسف مش مثبت في الورق

طبعا انا وماما اتجننيا . ازاي هنسيب يوسف وازاي مش مثبت

هو اول ما اتولد ضفناه على جواز ماما وعملنا كل الاجراءات

المهم اخدت كل الورق ورحت لإدارة المطار

عملو كمية اتصالات كده وطلعت المشكله من اللي شاف الورق في الاول مأخدش بالو من الهويه بتاعت يوسف فأفتكر انو مش مثبت


بس طبعا كانت لحظه ما يعلم بيها الا ربنا

معلش طولت عليكو

بس حبيت اقول ان المشاكل والحاجات الغريبه حصلتلي من اول ما نزلت من الطياره

ههههههههه

ربنا معايا والله

تحياتي
جـــــــــي جـــــــي

يا جماعه لسه بدرى على الاسبوع

واللى عاوز يسئل يسئل برحتو خلاص


ما تحرمو نفسكو من شئ

جهاد معانا

لسه نفسها طويل

هههههههههههههههههههههههههه

يوم الجمعه القام

جهاد هتقول الحمد لله
صح جهاد؟

ههههههههه

الحمدلله

بس مش للجمعه كتير ؟؟؟

لا ياجماعه

انا قلتلكو انا تحت امركو وهجاوب عليكو

ومن نحية نفسي فهو طوييييييييل اوي

فخدو راحتكو خالص

بس متاخدوهاش اوي يعني

ههههههههه

تحياتي
جـــــــــي جــــــــي

ال نفسها طووووويل ال


طب احكى عن اول موقف ليكى بالجامعه ؟؟؟؟؟؟؟؟؟؟؟؟؟

ههههههههههههههههههههه

طييييييييييييييييب ياوائل

اول موقف ليه في الكليه

كان فأول يوم

ماما كات رايحه معايا على اساس تعرف مكان الكليه مش اكتر

فلما جيت ادخل لقيت الامن بيبوصلي

وبيقولي معلش ماما مش هينفع تدخل تقعدك في الكرسي الاولاني

انا طبعا اتحرق دمي من الموقف

ومن صدمتي معرفتش اقوله غير انك واحد مش محترم قعد يزعق وانا ارد وماما تهدي الموقف

لغاية ما كل حاجه بقت تمام

وعدى اليوم على خير

تحياتي
جــــــــــي جــــــــــي

ا

هههههههههههههههههههههههههههههههه
ههههههههههههههههههههههههههههههه


ايه يا جماعه فين الاسئله



طب سؤالى هو


ايه اجمل شئجبك فى مصر اول ما نزلتى ؟؟؟؟؟؟؟؟؟؟ وناويه تقعدى على طول فى مصر ولا هتسافرى تانى؟؟؟؟

شفت ياوائل

مش عايزين يسألوني

شكلهم زهقوا مني


بس بصراحه مفيش حاجه عجبتني هنا غير لما كل العيله اتجمعت وقعدنا مع بعض


وانا ناويه ارجع تاني مش ناويه افضل هنا خالص بس مش عارفه بقى نصيبي ايه


تحياتي
جــــــــي جــــــــي

خليكى منوره مصر


ومنورانا

طيب ما هي هوايتك في الحياة ؟

اختاري ثلاثة اعضاء مقربين لك في المنتدى

احكي لنا عن موقف مضحك

ثلاثة وردات بحوزتك لمن تهديها من اعضاء

ما هي امنيتك في الحياة

سوء تفاهم حدث بينك وبين احد اعضاء

امنية تودين رؤيتها في المنتدى



لي عودة اخرى باذن الله

كل دي اسئله يامفتري

يعني انت تغيب تغيب وترجع بوابل من الاسئله

هههههههه

هجاوبك برضو

وربنا يسهل ويخلص الاسبوع ده

1/هوايتي الرسم

2/ (وائل)انا لسه جديده ومعرفش الاعضاء كلها لكن القريبين ليا القلب الصادق الحنون (محمود) وامير الهدوء

3/والله في مواقف حصلت كتييير بس احلى المواقف دي حصلتلي في الثانويه العامه كنت مره في المدرسه
وكان في مدرسه ماشيه قدامي فأتكعبلت والجيبه بتاعتها اتقطعت كلها فقامت قالتلي الحقيني همشي ازاي كده وانا مش قادره امسك نفسي
من الضحك ع المنظر قمت رحت عند المديره اخدت دباسه الورق ودبستلها الجيبه كلها بس كان منظرها بالدباسه تحفه

4/ اهدي الورد لوائل ولمحمود ومايا

5/ انجح في الدراسه وابقى مع الشخص اللي بحبه

6/هو سوء تفاهم واحد اللي حصل ومتهيألي انت تعرفه ههههههههههه

7/انا بتمنى يبقى المنتدى ناجح اكتر وكل الدنيا تعرفه


جي جي

اووووك

مستنيه الجايزه

بس انت مكبر الخط كده ليه

حد قالك انا اتعميت

هههههههههههه

تحياتي
جـــــــي جـــــــــي

شطوووووووووووووووره


برافوووووووووووووووووووووو



عاوز تسقيف جامد

شويه اسئله

شدى حيلك



ما رأيك بالذي يضحي بنفسه من أجل الآخرين و هو على علم بأنهم لن يقدروه؟

أذكرى لي موقف

مضحك حصل لك ؟؟؟؟

موقف محزن حصل لك ؟؟؟
-تذكره سفر وعوده مجانيه تختارى تروحى بيها فين ومعاكى 3 كراسى
اختارى من المنتدى


المنتدى بالنسبالك اية ؟

مين من المنتدى اللى نفسك تشوفية ؟

لو حبيبك خانك هتعمل اية ؟

خرجت معا حبيبك قبل كدة


لو واحدجه وقالك انو بيحبك اوى هترتى بايه؟


عشتى حب حقيقى بجد قبل كده؟

-بتصلى و بتصومى ولا؟؟؟


الفريق المفضل الاهلى ام الزمالك؟؟؟


-موصفات المحظوظ فتا الاحلام؟؟؟اجهز نفسي بقي هههههههههههههههههههههه

لو نفسك تسافرى ايه البلد الى عايز ه تروحيها؟

مين اكتر مخلوق عزيز عليكى فى الدنيا؟؟و فالمنتدي ؟؟

أهم الأهداف اللى نفسك تحققيها فى حياتك ايه ؟؟

هديه عزيزه عليكى ايه هى ؟
مين الشخص اللى جابلك الهديه دى ؟ وانتى تهديها لمين؟؟

موقف صعب فى حياتك ؟


موقف سعيد فى حياتك ؟

موقف حزين فى حياتك ؟

امتى بتحسى انك ضعيف ؟

طيب امتى بتحسى انك قوى ؟

اكتر حاجه ممكن تسعدك فى الدنيا ؟
موقف مقدرتيش تمسكى نفسك من العياط ؟

لو حدثت لك مشكله ماذا تفعلى؟ ومن تلجا له بعد الله؟

اكتر حاجه ممكن تنرفزك؟

- أين تذهبى لو أعطيت إجازة اليوم ... ؟ ومع مين بره المنتدي؟؟ومع مين جوه المنتدي ؟؟

- كيف تنظرى لمستقبلك ... ؟



اكتر صفة بتكرهيها فى نفسك و اكتر صفة بتحبيها فى نفسك ؟

كان نفسك تدخلى كلية ايه؟

.اكتر نعمة حاسه ان ربنا انعم عليكى بيها ..ايه هى؟

هل ممكن ان تغيرى بعض المبادئ في حياتك؟

بماذا تفكرى الان؟

فأي قرار تتخذيه هل ..... تحكمى عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

ما هي احلى كلمة قيلت لكى ؟؟؟

ما هي حكمتك في الحياة ؟؟

لمن تهبى ابتسامتك دائما؟

ايه اللي يلفت انتباهك بسرعه في الشخص لكي تعجبى به؟؟

ايه رايك فكل من


وائل

محمود


احمد الفيشاوى


احمد



بسمه



نورا





مايا






مع تحياتى


جاوبى بكل صراحه

ايه يا محمود ده حرام عليك البت هتجاوب على كل ده

ايه ياحوده انت بتنتقم مني ولا ايه


وانا بقول ساكت ومش بتسألني ولا سؤال كل الفتره دي

اتاريك بتحضر لمليون سؤال

ربنا معايا


بس هجاوب برضه هو احنا عندنا كام حوده

اللي بيحب حد بيضحي عشانو ومش بيبقى منتظر مقابل مع انو مش هيستفيد حاجه بس هو بيعمل اللي عليه وخلاص-

الموقف المضحك قلته قبل كده-

اكتر موقف حزين حصلي لما اتخانقت انا واللي كنت مرتبطه بيه عشان حد قاله اني اعرف واحد تاني والمحزن اكتر اني معرفتش ادافع عن نفشي من صدمتي عشان مش مصدقه ازاي حد يقول عليه كده ويخلي اللي بحبه يشك فيا

لو معايا 3 تذاكر و3 كراسي هروح ماليزيا واخد معايا محمود طبعا ونورا ومايا-

بشوف المنتدى بيتي التاني وعيلتي التانيه-

-والله انا نفسي مايا لاني مشفتش صورتها ومحمود

-لو خاني حبيبي هسيبه طبعا دي مش عايزه كلام لأن محدش بيحب الخيانه بالذات من اقرب انسان ليه ولأنها ملهاش مبررات

-اه خرجت

- لو بحبه هقوله وانا كمان لو مش بحبه هقوله كده وهوضحلو اسبابي

- اه طبعا

- اكيييييييييييييييييييد

-ماليش في الكوره خالص وانا فأرض محايده عشان محدش يزعل

-انا معنديش مواصفات معينه لأن احنا مش بنختار اللي بنحبه ده بيبقى نصيب المهم انو محبوب ودمه خفيف

- انا نفسي اروح ماليزيا او كوريا

-اكتر حد عزيز عليا في الدنيا اكيد ماما وبابا وفي المنتدى محمود لانو اكتر واحد اعرفو هنا

-اهم الاهداف اني افتح معمل تحاليل طبيه

-كانت تمثالين صغيرين بنت ولد بيحبو بعض وكانت من اللي كنت بحبو ومقدرش اهديها لحد مش لأني لسه بحبو
لا بس عشان انا حلفت اني مش هفرط فيها

-الموقف السعيد لما قالي بحبك

-والموقف الحزين اني رحت مره زياره تبع الكليه لدار الايتام للأطفال وكان في هناك بنت اول ما شافتني جريت عليه وحضنتني جامد اوي وكأنها تعرفني من زمااان حسيت وقتها قد ايه محتاجه لحد يرعاها ويحسسها بالامان

-بحس اني ضعيفه لو شفت اي حد بيعيط وبلاقي نفسي بعيط معاه حتى من غير ما اعرف السبب

-وبحس اني قويه لما لما بساعد حد ضعيف ولما بكون على حق

- اكتر حاجه ممكن تسعدني اني الاقي حد احبه وبيحبني

-لما رحت دار مسنين لقيت وحده غلبانه وعجوزه اوي اوي قاعده تعيط ولما سألتها قالت ان عيالها الاربعه وجوزها ماتوا فيوم واحد وكان باقيلها اكتر من 4 سنين مسافره ومشافتهمش

-بفكر فيها بالراحه ولو لزم الامر اني الجأ لحد هلجأ لخالي ايا كانت المشكله لأن انا بعتبره صديق ليا مش مجرد خال

-هي حاجتين بس بينرفزوني اوي لما حد يقعد يزعق ويصرخ وهو مش فاهم الموضوع وتاني حاجه ان حد يصحيني من النوم بالعافيه والزعيق وكده

-حروح اقعد قدام البحر مع خالي لو بره المنتدى ومع حووووووده لو جوه المنتدى

-ربنا اعلم محدش عارف بكرا مخبيلو ايه بس يارب يكون خير

-اكتر حاجه بكرهها فنفسي اني عصبيه واكتر حاجه بحبها اني بفهم اللي قدامي بسرعه

-كان نفسي ادخل هندسه وكنت بحلو بكده من الطفوله

- كل الناس بتعرف تتكلم بس مش كلهم بيعرفوا يستمعوا وانا بسمع للناس كويس وكمان انا متفائله جداااا جداااا

-انا مش هغير مبادئ لكن ممكن اعدلها عشان تناسب الاوضاع اللي بنعشها

-بفكر دلوقتي الاسئله دي هتخلص امتى

- انا في الاول بفكر بقلبي لان هو اللي بيسبق عقلي بعد كده بفكر بالراحه وبحكم عقلي بنسبه 40% والباقي قلبي هو اللي بيقوم بيه

-كلمة بحبك

- ليست السعادة في أن تعمل دائما ماتريد بل في أن تريد ما تعمله


لا يحزنك إنك فشلت مادمت تحاول الوقوف على قدميك من جديد .......


-اهب ابتسامتي لكل الناس اللي بحبها

-لما يكون ليه اصحاب كتير وبيحب يضحك دايما بشوب يعني

-رأيي فوائل انو شخص طيب جدا جدا بس عصبي حبتين وبيحب كل الناس وطموح

- ده الزعيم ههههههههههههههه محمود حبوب جدا وطيب جداااااااا جداااااااااا وهو اهل للثقه وبني ادم محترم لأبعد الحدود بس بيكره يغسل الصحون وانا مش فاهمه ليه ههههههه

-احمد الفيشاوي ....... ازيك يا ابن عمي ههههههه ده بقى اوعى وشك هو طيب برضه ودمو خفيف ويستاهل كل خير والله

-وبالنسبه لأحمد انا يعتبر مكلمتوش لكن اقدر اقول انو حبوب يعني

-بسمه للأسف مكلمتهاش كتير بس برضو بشهادة كل اللي يعرفها انها طيبه جدا وبتحب الناس وبتحب تكون صحاب ليها

-نورا بحبها جدا لأنها حبوبه وحاسه اني لو عرفتها اكتر هبقى متفاهمه معاها لأن بحسها شبهي في شخصيتها

-مايا انا مكلمتهاش ابدا بس انا بحبها جدا حتى من غير ما اشوفها لأن بحسها حنونه وطيبه لأبعد الحدود بحسها كده بريئه
ونفسي اتعرف عليها



اعذروني لو طولت عليكو ودي كل الاجابات وبصراحه والله

ومعلش لو مكنش قولت رأيي فحد لأن انا معرفهمش كلهم كويس

الحمدلله ان بكرا هتنتهي فترت الكرسي

لأنو هو اللي زهق مني مش انا



تحياتي
جــــــــي جـــــــــي

معلش بئا يا جى جى

شوية اسئله على السريع

يلا اخر يوم بئا

جهازى نفسك وشربى عصير

عشان القاعده النهارضه شكلها هطول






- طموحاتك في ( جملتين )؟؟؟
- ما هي مواصفات الرجل المثالي من وجهة نظرك ؟
ما هي مواصفات المرأه المثالية من وجهة نظرك ؟
عندما يكون الاختيار بين حبك و كرامتك ماذا تختاري؟
عندما يتلاعب بمشاعرك من تحب و تكتشف أنه كان يخدعك هل تصفحي عنه؟ و لماذا ؟
هل تعتقدي أنه يوجد انسان في هذا الكون يستحق أن تحزني و توقفي حياتك من أجله ؟
عندما تكوني في أصعب مواقف حياتك من تتمني أن يكون معك ؟ و لماذا ؟
لمن تسمحي أن يرى دموعك ؟
عندما تريدي و تقرري أن تنهي علاقة هل تحزني عليها ؟ و لماذا ؟
عندما تبدأي بحب جديد ما هي الأشياء التي تركزي عليها و تهتمي بأن تكون موجودة بالشخص الذي تحبي ؟
شخص لاترفضين له طلب ..؟؟
حمامة زاجل استقرت على الشباك تحمل رسالة من مجهول فممن تتمني ان تكون...؟؟
عضو تحسيه واثق من نفسه ...
عضو تخافي يوم أتشوفين اسمه/ها موجود
عضو ودك تعرفين معنى اسمه/ها
عضــو تحسي أن فيه خــمول (كسل )
عضــو يجذبـك بأسلوبه وطريقـة ردوده

واخيرا مارايك با احمد بكل صدق
وإن شاء الله ماتعبتك معااااااااايه

هاااااااااااااااي يا احمد

ايه الموضوع بقى هو انا خلصت

من اسئلة محمود طلعلتلي انت

اوووووك

انا قلت قبل كده طموحاتي

ورأيي ان الانسان الناجح فحياته يعني في شغلو وفي بيتو ومه اصدقائو هو ده المثالي شواء كان رجل او امراه

برأيي ان لو الحب ده يستاهل اضحي بكرامتي عشانو هضحي بيها لكن لو هو مش هيقدر ده فأنا مش هضحي بكرامتي لحد مش هيقدرني

عمري ما هسامحه لأن عمري ما سمحت لنفسي اني اخدعه او اكدب عليه فأنا مستحقش انو يعمل معايا كده


اه اكيد لو حد بيحبني زي ما بحبه اكيد يستحق اعمل عشانو اكتر من كده

بتمنى يكون خالي معايا لان انا قلت قبل كده انو اقرب انسان ليه وانا بعتبره صديق مش خالي

انا لما بكون زعلانه ودموعي نزلت مش بعرف اتحكم فيها او احدد مين اللي يكون شايفها هي لما بتنزل خلاص

انا عمري ما قررت انهي علاقه مع حد عزيز عليه الا لو اذاني بجد وساعتها مش هكون زعلانه عليه لأنو يستحق كده

لما بحب حد مش بكرز على حاجات معينه المهم عندي يكون كويس ومحبوب بين الناس بس

مفيش حد مش هرفض ليه طلب وعلى حسب الطلب لو قادره اعمله هعمله

حاليا مفيش حد معين

محمود

مفيش حد بخاف لما بشوف اسمه

كل الاعضاء اساميهم واضحه

معرفش حد كسلان

محموووود

وانا قلت رأيي فيك ياحمد قبل كده

في اجابات اسئلة محموود

وكفايه اسئله كده بقى

ااااااااااااااااااااااااااااااااااااااااااااه



تحياتي
جــــــــــي جـــــــــي

ههههههههههههههههههههههههه


خلاص كفايه عليكى كده

معلش يا جى جى تعبانكى معانا الاسبوع ده

هو انتو تعبتوني بعقل

ده انتو هلكتوني

بس مش مشكله تعبكو راااحه

ربنا يخليكو ليا


تحياتي
جـــــــــــي جـــــــــي

كلامك جميل


وملاطفه اسعدتنى



وانا سعيد فى وجودى على كرسى الاعتراف


وبحيك وبشكرك كتير على التقديم الرائع



تقبل فائق حبى واحترامى




وانا تحت امر الجميع

انا برحب بيك ياحوده


وكما تدين تدان

جاوب على نفس الاسئله اللي سألتهالي


شويه اسئله

شد حيلك



ما رأيك بالذي يضحي بنفسه من أجل الآخرين و هو على علم بأنهم لن يقدروه؟

أذكر لي موقف

مضحك حصل لك ؟؟؟؟

موقف محزن حصل لك ؟؟؟
-تذكره سفر وعوده مجانيه تختار تروح بيها فين ومعاك 3 كراسى
اختار من المنتدى


المنتدى بالنسبالك اية ؟

مين من المنتدى اللى نفسك تشوفة ؟

لو حبيبتك خانتك هتعمل اية ؟

خرجت معا حبيبتك قبل كدة


لو واحده جه وقالتك انها بتحبك اوى هترد بايه؟


عشت حب حقيقى بجد قبل كده؟

-بتصل و بتصوم ولا؟؟؟


الفريق المفضل الاهلى ام الزمالك؟؟؟


-موصفات المحظوظه فتاة الاحلام؟؟؟اجهز نفسي بقي هههههههههههههههههههههه

لو نفسك تسافر ايه البلد الى عايز تروحها؟

مين اكتر مخلوق عزيز عليك فى الدنيا؟؟و فالمنتدي ؟؟

أهم الأهداف اللى نفسك تحققها فى حياتك ايه ؟؟

هديه عزيزه عليك ايه هى ؟
مين الشخص اللى جابلك الهديه دى ؟ وانت تهديها لمين؟؟

موقف صعب فى حياتك ؟


موقف سعيد فى حياتك ؟

موقف حزين فى حياتك ؟

امتى بتحس انك ضعيف ؟

طيب امتى بتحس انك قوى ؟

اكتر حاجه ممكن تسعدك فى الدنيا ؟
موقف مقدرتش تمسك نفسك من العياط ؟

لو حدثت لك مشكله ماذا تفعل؟ ومن تلجا له بعد الله؟

اكتر حاجه ممكن تنرفزك؟

- أين تذهب لو أعطيت إجازة اليوم ... ؟ ومع مين بره المنتدي؟؟ومع مين جوه المنتدي ؟؟

- كيف تنظر لمستقبلك ... ؟



اكتر صفة بتكرهها فى نفسك و اكتر صفة بتحبها فى نفسك ؟

كان نفسك تدخل كلية ايه؟

.اكتر نعمة حاسه ان ربنا انعم عليك بيها ..ايه هى؟

هل ممكن ان تغير بعض المبادئ في حياتك؟

بماذا تفكر الان؟

فأي قرار تتخذيه هل ..... تحكمى عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

ما هي احلى كلمة قيلت لك ؟؟؟

ما هي حكمتك في الحياة ؟؟

لمن تهب ابتسامتك دائما؟

ايه اللي يلفت انتباهك بسرعه في الشخص لكى تعجبى به؟؟

ايه رايك فكل من


وائل

جي جي


احمد الفيشاوى


احمد



بسمه



نورا





مايا





تحيااااااااااتي
جـــــــــــي جــــــــــي