نورتى بسبووووووووووسه الكرسى

استعدى بسبووووووووووووسه


لا سئلتى




وعاوز اجابات صريحه جدا

ايه الحلاوه دى انا اغيب اغيب


ولرجع الاقى اتهام واعتراف كمان ليه




يا لهوووووووووووووووووووووى ههههههههههههه





كرسى اعتراف ليه حته واحده ربنا يستر بقى




انا مستعده لكل الاسئله بتاعتكم وبكل صراحه




تحياااااااااااااااااااااااااااااااااتى


بسبووووووووووووووووووووووسه

admin كتب:

فطرتى اية امبارح واول وهتفطرى اية النهاردة
واذكرى كمان السحور
معاهم

وبتعرفى تعملى اكل ولا لاء
لو اة اكتر اكل حلو بتعملية اية
واكتر حاجة مش بتتظبط اية
سواء حلويات او غيرة

واية اكتر أكله بتحبيها واكتر اكلة لاء

واية الاعلان اللى لما بتشوفية بيعجبك واية و الاعلان اللى بتقلبى القناة عشانة

واية تانى مش فاكرة اسئلة تانية


لا وقولى رايك فيا اللى كونتية عنى الحلو والوحش ونصيحة بجد ليا

امبارح اكلت سمك واول امبارح اكلت مكرونه وفراخ

النهارده ان شاء الله هاكل فاصوليا ولحمه

السحور بقى جبنه رومى وبيف وجبنه بيضه وعيش فينو وزيتون وشيبسى وسفن وزبادى

طبعا مش هاكل كل دول حاجات بسيطه بس اللى باكلها منهم




انا بعرف اعمل اكل لما بيكون مزاجى كويس اوى الاكل بيبقى جميل اوى

لكن لو انا مخنوقه ومضايقه جدا الاكل مش بيبقى حلو مش بحط ايدى فيه غير يالعافيه

وكل الاكل اللى بعمله كويس علشان نفسى حلو فى الاكل اللى بعمله




اكتر اكله بحبها مكرونه ومعاها كفته واكتر اكله مش بدوقها اصلا الكوسه واللحمه مش قوى




الاعلان اللى بحبه اللى بيكون فى حاجه مفيده او حل مشكله او حادثه حصلت وبحب اعلان كرومبو

بحب احل الغازه اوى بيسلى يعنى

الاعلان اللى مش بحبه الاعلان هايف ملوش اهداف كويسه غير الشراء والبيع المصلحه يعنى

زى اعلان عن السمنه والزيت حاجات زى كده يعنى




اما انت يا وائل بقى بالنسبه ليه كويس بس فى حاجات بضايقنى منك

لما بتكون متنرفز بطلعوا على غيرك وانا طبعا منهم بطلعوا عليه

واحيانا بكلمك بطنشنى وانا مش بحب حد يطنشنى


الحاجه الوحشه اللى فيك المقالب اللى بتعملها وخاصه مقلب الايميل اكيد فاكر

ياريت تبطل تعمل كده فى اى حد

بس بجد انا ماشوفتش حاجه منك غير دول اللى عملتهم فيه

وانا شايفه انك انسان محترم وبتحب كل الناس زى اخواتك



**** النصيحه ****


اعمل حساب ربنا فى كل شئ تعمله وبص للاحسن والافضل يعنى بص لادام

وحاول تعمل كل خير حتى ولو مكنش ليك مصلحه فى الخير ده اعمله لوجه الله

ولازم تكون عارف ربنا بمعامله الناس يعنى بالفعل مش بالقول

وحاول تراعى اهل بيتك يعنى اخواتك ووالدك ووالدتك وزوجتك فى المستقبل


ايه يا عم الاسئله دى عن الاكل انت جعان ولا ايه

شكلك مفجوع يا دى النيله اكل اكل ههههههههههه


انا جاوبتلك اهو اما اشوف اللى جاى هيكون فى ايه


تحيـــــــــــــــــــــــــــ بسبوسه ــــــــــــــــــــاتى

اها عاوزك تعملى احلى صنية بسبوووووووووووووووووووووسه



يلا بسرعه


واستنى الباقى

احلى صنيه بسبوسه لاحلى وائل


بس تجيبلى حته منها


مش تاكلها لوحدك


تحيــــــــــــــــــــــــ بسبوسه ـــــــــــــــــــاتى

يا هلا وغلا

باحلى بسبوسه


منوره


والف حمد الله ع السلامه


راجع تانى بالاسئله

منور يا حوده دايما


ومتشكره على سؤالك عليه وانا غايبه


تسلم يا باشا


تحيـــــــــــــــــــــ بسبوسه ـــــــــــــــــــاتى

مش تخافى


هعزم الكل عليها ليا


علشان رمضان
ه

اسمى بسمه

عمرى 20 سنه وشهور

عايشه فى بورسعيد

هوايتى الشعر والموسيقى الهاديه والاغانى الحزينه

العتاب اهديها لكل ظالم

الحب اهديها لكل من احببتهم




الحب اسمى شئ فى الوجود بس للى يعرف يقدره صح

الحب احساس جميل يتوه فيه الانسان بس لازم يكون على يقين من الحب


الصداقه تعنى الصديق وقت الضيق فى كل زمان ومكان اذا كانت صداقه حقيقيه


الاشياء اللى بتغضبنى المشاكل بتخلينى فى قمه الغضب

وكمان لو حد حطنى فى موقف بيتهمنى فيه بابشع التهم ببقى فى غضبى مش بسمه الطيبه الل يعرفها الناس

وكما لو حد ضايقنى بكلام جارح لمشاعرى



الالم ده معايا حكايته حكايه مافيش غير بسمه قدامه

وتقريبا الدنيا كلها الم بحس انى شايفه الدنيا كلها بعيونى وبحس بالم كل انسان

والمى هو فى ظلم واستعباد الناس والقهر والجرح لك انسان

حتى الالم بشوفه لما ابص لحد غلبان ويتيم ملهوش حد يحس بيه

بعتبر نفسى مكانه وبحس بالمه اكتر منه كمان


السرور بقاله كتير بعيد عنى او يمكن قريب منى وانا مش حاسه بيه

حتى يوم نجاحى بنتيجتى مش حاسيت بيها خالص مش عارفه ليه


الضرب انضربت من شهر كده ومكنتش غلطانه علشان بقول الحق

واللى يقول الحق شكله بيضرب كتير اوى


الندم اما المواقف اللى بمر بيها مش بندم عليها

علشان لازم اتعلم من كل موقف امر بيه حتى لو كان غلط علشان مش اكرره تانى

ولازم اخد من المواقف دى خبره علشان اعلمها لغيرى بعد كده


الموقف اللى نفسى يرجع هو موقف حصلى فى حفله شوفت ناس جديده وحابونى وحبيتهم


وبقوا اكتر من اصحابى بقوا اخوات ليه وبيحبونى جدا وفى ناس نفسى اشوفها تانى



اما الفراق يعنى ليه الهلاك المار الموت على وجه الارض احياء



موقف وقربت من حد معتقدش ان حصل بينى وبين حد موقف وقربتله


حلم الطفوله انى افرح زى باقى الاطفال


اما حلم دلوقتى انى ابنى مستقبلى ويكون مستقبل جامد ليه

وانى احب حد بكل جوارحى ويكون يستاهل حبى علشان مش بحب بالساهل

ودول حاجات بتمنى انى احققهم


الحكمه اذا اردت شيئا فيجب ان تنحت فى الصخر للوصول اليه


بيت الشعر الواحد شاف الموت بعنيه

ومحدش فى الدنيا حس بيه

دى حاجه من اللى كاتباها فى المنتدى


اول موضوع كتبته فى المنتدى كان شعر برضو اسمه (((اه يا زمن ))) هو ده


الاعضاء بقى المقربين هما تقريبا كلهم بس قليل اوى اللى اعرفهم هنا

والباقى مش اعرفهم كويس


اما مضايقه المنتدى مافيش حاجه ضايقتنى فى المنتدى هنا بالعكس ببقى مبسوطه لما اكون هنا



انا بصراحه مش بميز عضو على عضو بقرأ للكل بس الشعر اكتر حاجه بتشدنى


التضحيه ان اضحى بحياتى فى سبيل اهلى

واكبر تضحيه ويمكن دلوقتى بضحى بيه علشان مش تشغلنى عن مستقبلى

انى احرم نفسى من الحب اللى بتتمناه اى بنت علشان اقدر ابنى مستقبل ليه ولاهلى

واخليهم يعيشوا اللى ما عاشوهوش فى الدنيا كلها وده بتمنى يتحقق

علشان اقدر او اسدد جزء من دينهم اللى عليه وبتمنى من ربنا انى احقق واخليهم افضل الناس



حرام عليك يا احمد تعبتنى من اكتر اسئلتك دى

بس بجد مبسوطه بيها حاسه انى بخرج حاجات لاول مره


تحيـــــــــــــــــــــــــــــــــ بسبوسه ـــــــــــــــــــــــــــاتى

هتعزم الكل يا وائل


هكفيكم منين بقى


شكلى هقطع نفسى حته حته عليكم


هئ هئ هئ هئ هئ هئ


بس هتدونى كام علشان البسبوسه


خد وهات ولا ايه ههههههههههههه


عيونى ليكم كلكم


تحيـــــــــــــــــــــــــــ بسبوسه ــــــــــــــــــــــاتى

شكررررررررررررررا بسبووسه على الاجابه



بقى الاسئله بكره انشاء الله


بسبووووسه

احنا فى رمضان

اولا : ربنا يوفقك ويحققلك اللى بتتمنيه فى حياتك


ثانيا:: بكون سعيد جدا لما تكون فى وسطينا ونكون ايدى واحده


ثالثا: بيكفى وجودك معنا بسبوسه دى عندى بالدنيا كلها


ولا تقطعى نفسك ولا حاجه انا بكمل من معايا يلا


هههههههههههههههههههههههههه

حظك حلو يا بسمه

اسبوعك ده مش فاضى خلاص

ربنا بيحبك والله


انا كنت محضر ليكى اسئله


بس هتطلع من نسيب اللى

بعدك

يبقا من نصيبك انت

هههههههههههههههههههههههههههههههههههه


ما انت اللى بعدها

الحمد لله ربنا رحمنى من اسئلتكم



عارف انى غلباااااااااااااااااااااااااااانه


ههههههههههههههههههههههههههههه



احسن كده ابعد عن الشر وغنيله يا حماده




تحيـــــــــــــــــــــــــــــ بسبوسه ــــــــــــــــــــــاتى

أمير الهدوء كتب:

ممكن بعد اذنك يعنى وصف كامل لشخصيه العصوبسمه الروح على منتدى المهدى
ووصف كامل برده على ارض الواقع
ومقارنه بين الشخصين
؟



لو سمحتى معلومات بطاقتك الشخصيه اللى تحبى اننا نعرفها عنك
اسرديها هنااااااا......
؟


لو حبيتى تغيرى اسمك ف منتديات المهدى هتسمى نفسك ايه ....
؟

تفسرى بايه الظواهر الموجوده حاليا ف مصر


1 --- ظاهره الكثافه السكانيه
ومثال بسيط عليها
وفروض لحل المشكله
؟

2 --- ظاهره ازدحام السكان
ومثال بسيط عليها
وفروض لحل المشكله
؟

3 --- ظاهره العنوسه
المثال عندى اهه
هل لو انتى قعدتى ف مكان وحد من الشباب قال بنفس اللفظ -(والله انتم صعبانين عليا )- يا ترى ايه رد فعلك ولو سمحت بالتفصيل المُمِل
وفروض لحل المشكله
؟

4 --- ظاهره الغلاء وارتفاع الاسعار
ومثال بسيط عليها
وفروض لحل المشكله
؟

فاصل ونعود

شخصيتى واحده فى المنتدى كعضوه وفى الحقيقه كواقع

انا بحب الناس جدا وبحب الخير للناس كلهم طيبه جدا عصبيه جدا وعنديه كمان

وبضايق من الغلط اوى بإختصار انا انسانه مش شيطانه ولا ملاك



بطاقتى الشخصيه بقى

اسمى بسمه

عايشه فى بورسعيد

عندى 20سنه

عيد ميلادى 28 /1 / 1989

طالبه لسه بدرس


هى دى معلومات البطاقه الشخصيه







لو غيرت اسمى فى هيبقى (( بحر الالم )) وانا كنت هدخل بيه بس قولت اسمى افضل




ظاهر الكثافه السكانيه اولا لازم يكون فى اعتدال فى الانجاب وكثره الانجاب

تؤدى الى البطاله وقله المال فلازم نعتدل فى كل شئ

يعنى بدل ما الانجاب يبقى 8 اطفال ليه مش يبقوا طفلين بس





اما ازدحام السكان يعنى مثلا الكل لما بيروح يشتغل فى حته ناس كتير جدا بتروح حته واحده


طيب ليه مش يروحوا اكتر من منطقه يشتغلوا فيه ليه مش يروحوا يعمروا الصحراء علشان يبقى

كده اتفرقوا ومش يبقى فيه زحمه فى مكان واحد






العنوسه دى موجوده على طول انا من رأيى مافيش عنوسه هو فى اه لكن فى رأيى

كل واحده ليها نصيبها ودى حاجه بتاعه ربنا

فيه بنات بتتجوز بدرى وفيه اللى بتتجوز متأخر

وفيه اللى نصيبها مجاش لسه

طبعا كل شئ بيد الله وفى اللى بيموت ولسه برضو

اما الشباب هما اللى يصعبوا عليه من كلاامهم


وبعدين حتى لو فى عنوسه يبقى علشان فى شباب خايب ومش عارف يعمل مستقبل ليه

وبعدين اللى يقول كده هنفضله علشان مش بكلاام كل حاجه بالفعل وعلشان مش يهمنى الكلام






اما بالنسبه لا رتفاع الاسعار دى اكبر مشكله خلت الناس تنهش فى لحم بعض

مثلا ارتفاع اسعار الغذاء فلازم ان الاسعار دى تقل علشان الاسر البسيطه تقدر تعيش




اى خدمه يا وائل


اوعى تسألنى اسئله تانيه


تحيــــــــــــــــــــــــــــــــ بسبوسه ــــــــــــــــــــاتى


هات صنيه بسبوسه واسألنى براحتك هههههههههههههه

هلا بسمه

انتى نسيتى اسئلتى

اقرب شخصية ليكي ف المنتدي مين؟؟؟

اكتر عضو بتحبي تهزري معاه ؟؟؟؟

نفسك تطلعي ايه؟؟؟

اوصفلنا فتي احلامك بقي يا اروبة

بتحبي؟؟؟

لو انتي بتحبي حد و عاوزة تلفتي نظره ليكي هتعملي ايه؟؟؟؟؟

اول حد عرفتيه لما دخلتي المنتدي مين؟؟؟

نفسك تشوفي مين في الحقيقة (( شخص واحد بس ))

لو اتيحت ليكي الفرصة انك تسافري بلد اجنبية هتسافري فين؟؟؟

لما المطر بينوزل بتحسي بايه؟؟

ايه احلي يوم قضتيه هنا ف المنتدي؟؟؟
ونفسك تكرريه تاني؟؟

مين الشخص اللي بتحسي انه بيفهمك ف المنتدي؟؟ طيب و بره المنتدي؟؟

اصعب سؤال واجهك ف حياتك؟؟؟

لو لقيتي اله زمن و اتمنيتي ان الزمن يرجع بيكي لورا تتمني يرجع بيكي لانه سنة بالظبط ؟؟؟ وليه؟؟؟

شعورك ايه وانتي علي الكرسي التحفة دة؟؟

اخر رسالة عندك ف الموبايل مكتوب فيها ايه و من مين؟؟

هتعملي ايه لو لقيتي نفسك ف صحرا انتي و الشخص اللي انتي بتحبيه لوحدكم ؟؟؟؟؟؟؟؟

اتخنقتي مني؟؟؟

يلا يا بسبوووووووووسه


جوابى على الاسئله

بلا بسمه دا اخر يوم ليكى


واحمد يستعد بعدك

القلب الصادق الحنون كتب:

هلا بسمه

انتى نسيتى اسئلتى

اقرب شخصية ليكي ف المنتدي مين؟؟؟

اكتر عضو بتحبي تهزري معاه ؟؟؟؟

نفسك تطلعي ايه؟؟؟

اوصفلنا فتي احلامك بقي يا اروبة

بتحبي؟؟؟

لو انتي بتحبي حد و عاوزة تلفتي نظره ليكي هتعملي ايه؟؟؟؟؟

اول حد عرفتيه لما دخلتي المنتدي مين؟؟؟

نفسك تشوفي مين في الحقيقة (( شخص واحد بس ))

لو اتيحت ليكي الفرصة انك تسافري بلد اجنبية هتسافري فين؟؟؟

لما المطر بينوزل بتحسي بايه؟؟

ايه احلي يوم قضتيه هنا ف المنتدي؟؟؟
ونفسك تكرريه تاني؟؟

مين الشخص اللي بتحسي انه بيفهمك ف المنتدي؟؟ طيب و بره المنتدي؟؟

اصعب سؤال واجهك ف حياتك؟؟؟

لو لقيتي اله زمن و اتمنيتي ان الزمن يرجع بيكي لورا تتمني يرجع بيكي لانه سنة بالظبط ؟؟؟ وليه؟؟؟

شعورك ايه وانتي علي الكرسي التحفة دة؟؟

اخر رسالة عندك ف الموبايل مكتوب فيها ايه و من مين؟؟

هتعملي ايه لو لقيتي نفسك ف صحرا انتي و الشخص اللي انتي بتحبيه لوحدكم ؟؟؟؟؟؟؟؟

اتخنقتي مني؟؟؟

ناس كتير قريبه منهم هنا


بصراحه بحبهم كلهم وبهزر تقريبا مع اللى اعرفهم



ياااااااااااااااااااااه نفسى فى حاجات كتيره اوى

اولا انى اكمل تعليمى دراسات عليا

ثانيا انى ابقى مذيعه وصحفيه مشهوره وناجحه فى الحياه العمليه

انى اعمل حاجات خير كتير اوى ليه ولغيرى من اهلى وقاريبى

بس يارب يتحقق املى يارب يارب بتمنى بجد




فتى احلامى بقى اااااااااااااااه والف ااااااااااااااااااااه من فتى احلامى

نفسى يكون فى كل حاجه حلوه طبعا مش كل انسان كامل مش كامل غير الله

يكون عارف ربنا علشان يقدر يحمينى ويصونى يكون بيحبنى زى ما بحبه

علشان حبى انا ملهوش حدود ويحترمنى واحترمه ويفهمنى وافهمه ونشارك بعض فى كل شئ

السراء والضراء طبعا الى جانب الامانه وعدم الخيانه والكدب الى جانب الاخلاص والصراحه

بمعنى صح يكون قد كلمه انسانيه يكون انسان بمعنى الكلمه





هو مش حب حب يعنى عشق هو اعجاب اعجاب جامد اوى ممكن فى لحظه يتقلب حب




انا مش بعرف الفت نظر اللى بحبه بس اكيد بالاهتمام الزايد والكلام هيفهم

وكمان اللى بيحب عنيه كاشفاه ايا كان ولد او بنت




اول شخص دخلنى المنتدى هو وائل المهدى واول شخص عرفته هى نورا حبيبه قلبى

اللى غايبه بقالها مده ومش اعرف هى فين




نفسى اشوف على الحقيقه الشخص اللى اعجبت بيه اوى ونكون مع بعض

بس اظاهر ملييش نصيب اشوفه اصل كل واحد مننا فى بلد غير البلد





البلد الاجنبيه اللى نفسى اروحها ودى جزء من احلاامى هى فرنسا





بحب المطره جدا بحس انى مبسوطه وسعيده وبحب اجرى وامشى تحتيها


وبحس بالخير اللى ربنا بعتهولنا يعم كل شئ وكمان بحب ادعى فى المطره جدا







احلى يوم وانا بجاوب على اسئلتك يا حوده دى بجد مبسوطه بيها اوى

بحس انى بخرج حاجات من جوايه اول مره اخرجها لحد

ونفسى يتكرر اليوم ده تانى بس مع اسئله جديده







مش عارفه يا حو يمكن علشان مش بتكلم كتير مع اى حدفعلشان كده معرفش مين يفهمنى


جوه المنتدى وبره المنتدى على الواقع يعنى مافيش حد بيفهمنى خالص غير نفسى بقعد معاها وبعمل كل حاجه معاه





مافيش سؤال صعب واجهنى




مرحله اعدادى بحبها جدا علشان كنت بحب الاساتذه بتوعى

وبحب اقضى وقتى كله معاهم ومع اصحابى بس خساره انا واصحابى افترقنا

واساتذتى مش بشوفهم غير فين وفين







شعورى وانا على كرسى الاعتراف مبسوطه حاسه انى بتكلم وبحكى معاك يا حوده







هو انا عندى رسايل كتير اوى واخر رساله كان عن رمضان تهنئه لرمضان يعنى

ورساله بتقول ياريتنى شمس اطل عليك او قمر يشوف عنيك لكن انا بشر مملكش غير انى اشتاق اليك

ودى من اعز اصحابى اللى بحبهم







لو انا واللى بحبه فى صحراء

اولا لو هو مش بيحبنى وانا بس بحبه اول حاجه هعترف بحبى ليه

تانى حاجه لو بنحب بعض مش هنسيب بعض ابدا طول العمرومش هنفترق

ونتمنى نكون انا وهو لوحدنا فى الصحراء طالما مع بعض بعيد عن عيون الناس




عمرى ما تخنق منك يا حوده بجد مبسوطه علشان اسئله عاجبتنى اوى


اى خدمه يا حوده


تحيـــــــــــــــــــــــــــــــــ بسبوسه ــــــــــــــــــاتى

شكرا بسبووووووووووووووسه


ويارب تكونى اتنسطى معنا هنا




وتكون الاسئله كويسه


وكل عام وانتى طيبه يا بسمة الروح

شكرا لاجاباتك بسبوسه


واتمنى فعلا انها تكون عجبتك


واعزرينى لو كانت جات متاخره