الشعب المصرى هو الشعب الوحيد الذى يتكلم لغه فريده
لايتكلمها شعب آخر حتى من الشعوب المجاوره....
طبعا....مش اللغه العربيه.....أومال أيه ياعم.....؟؟
اللغه..الهيروغليفيه.....
أه والله العظيم....خد عندك......
عمركو سمعتو حد بيخوف عياله< بالبعبع >.. ..غير عندنا ف مصر
أو أم نازله ضرب ف أبنها وتقول له <....كخ....>
غير عندنا ف مصر.....
طب أيه رأيكو أن الكلام ده أصله هيروغليفى....
كلمه بعبع....أصلها كلمه <....بوبو....> وهو أسم عفريت مصرى قديم.. .كانو قدماء المصريين يستخدموه لتخويف العيال
أما كلمه<....كخه.....> فهى كلمه هيروغليفيه معناها
القذاره..........؟؟؟
حتى العيال عندنا بيتكلما هيرو غليفى.....
.الواد..لما يجوع يقول<.....مم....>وأصلها.....أونم....
بمعنى ....أكل.. ..ولما يعطش يقول <...أمبو......>
وأصلها....<أمبموا...> يعنى أشرب
والعيل عندنا وهو بيتعلم المشى يقولو له.....تاتا....
خطى العتبه.....تاتا....حبه حبه
وتاتا كلمه هيروغيليغيه ومعناها....<أمشى....>
وياسلام لما الدنيا تشتي والناس كلها تغني وتقول
يامطره ...رخى ..رخى..عالا قرعه بنت أختى.. ..
<...رخى.....>أصلها ....رخ....ومعناها...نزل..
وفى الصيف لما نتشوى من الحر..نقول الدنيا
بقت....صهد....وصهد بالهيروغليفى معناها...نار...
ويامحلا الهيروغليفى في أكلنا....فالفول لما يستوى
نقول عليه ...مدمس...وأصلها...متمس...عند قدماء المصريين ومعناها...تسويه الفول.....الحقوا....؟؟
دا حتى الفوا المدمس طلع له جذور تاريخيه .....يادى الفضيحه ....
أما كلمه ....بصاره....فأصلها....بيصورو....ومعناها
الفول المطبوخ.......هى...هى بريحتها وتقليتها ولونها
مدد ...مدد تحتمس مدد
عزيزى القارىء.....بعد هذه الدراسه...من التاريخ المقارن للغات.....أوعى تخلى واحد يتنطط عليك
ويقول لك....أنا عندى لغات......قول له....تعرف
هيروغليفى........هيقول لك لأ.....قول له
كخ ياحبيبى روح أتعلم لغات الأول وبعدين كلمنى.
..
ملحوظه.....معانى الكلمات الهيروغليفيه....منقوله
من القاموس العربى.الهيروغليفي

تحياتي
جــــــــي جــــــــــي